Мен еліміздің экономикалық жетекші жоғары оқу орны, экономика, қаржы және басқару саласындағы мамандарды даярлауда аса бай тәжірибесі мен дәстүрлері бар оқу ордасы – Тұрар Рысқұлов атындағы Қазақ экономикалық университетін сіздерге таныстыруға өте қуаныштымын.
1963 жылы құрылған университет даңқты өмір жолынан өтіп, экономикалық білім беру мен ғылыми зерттеулер жүргізу, сабақ берудің биік деңгейін қамтамасыз ету, біліми бағдарламалардың икемділігі мен дәйектілігін сақтау жолындағы жоғары стандарттарды қолдауға бағытталған тиянақты дәстүрлер қалыптастырды.
Осы жылдар ішінде университет білімді де білікті, шығармашылық ой өрісі кең, әрі өмірге бейімді мамандардың талай ұрпағын тәрбиелеп шығарды. ҚазЭУ түлектері – экономиканың, бизнестің және Қазақстан Республикасындағы мемлекеттік басқарудың сан алуан салаларындағы жауапты шептерге ие болып отырған өз істерінің нағыз білгірлері. Жоғары бәсекелі білім жүйесінің дамуы күні бүгінге дейін жинақталған біліми және ғылыми-педагогикалық әлеуетті сақтап, біліми қауымдастықтың ең озық жетістіктерін бойына сіңіре білетін осы заманғы жоғары мектеп құруға деген талабымыз бен талпынысымыздың бағыт-бағдарын айқындайды. Өзінің даңқты дәстүрлерін сақтап, байыта отырып, университет қазақстандық экономикалық білім беру ісінің ту ұстаушысы деген мәртебесін әрдайым жоғары ұстайтын болады.
Т. Рысқұлов атындағы ҚазЭУ-дің ректоры,
экономика ғылымдарының докторы,
профессор Ә. Ә. Әбішев
